Қазақстандық маман Виктория Сазонова халықаралық хоккей федерациясының әйелдер хоккейін дамыту жөніндегі комитетінің құрамына енгізілді, деп жазады inbusiness.kz сайты.
Айта кетсек, Виктория Сазонова Қазақстан әйелдер құрамасында бас менеджер қызметін атқарады. Сондай-ақ, ол – халықаралық хоккей федерациясының аталған комитетіне Азия құрлығынан енген алғашқы маман.
"Мен осындай құрметке ие болғаныма тағы бір мәрте қуаныштымын. Бұл үлкен жауапкершілікті талап ететіні рас. Алдағы жұмысымда қазақстандық хоккейді әлем жұртшылығы назарына ұсынғым келеді. Осы мақсатта абыройлы қызмет атқаратыныма сенімдімін", – деп атап өтті ол.
Еске сала кетейік, Виктория Сазонова 2023 жылғы әлем чемпионатында әйелдер құрамасына жетекшілік еткен болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
