DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 279,31 Brent 36,55
Винокуров әлем чемпионатында жеңіске жетті

Винокуров әлем чемпионатында жеңіске жетті

8:48:24 уақытта барлық кезеңді бағындырған ол өз жас дәрежесінің жеңімпазы атанды.  

13 Қазан 2019 11:34 392

Винокуров әлем чемпионатында жеңіске жетті

Олимпиада  чемпионы Александр Винокуров Конада (Гавайи, АҚШ) өткен Ironman бойынша әлем чемпионатында өз жас дәрежесінің жеңімпазы атанды, деп хабарлайды Olympic.kz.

Винокуров 45-49 жас аралығындағы дәрежеде қатысты. Бірінші кезеңде ол 3,8 км қашықтықты 1:09:06 уақытта жүзіп өтті. Веложарыста  180 қашықтықты 4:21:06 уақытта бағындырып, бірінші сатыға көтерілді. Жүгіру кезеңінде қазақстандық спортшы көшбасшылықты сақтап, мәреге бірінші болып жетті.

inbusiness.kz-ті қараңыз, оқыңыз :

Бакуде көркем гимнастикадан 37-ші әлем чемпионаты басталды

17 Қыркүйек 2019 13:57 390

Бакуде көркем гимнастикадан 37-ші әлем чемпионаты басталды

Фото: olympic.kz

Әзірбайжан астанасы Бакуде көркем гимнастикадан лицензиялық әлем чемпионатының алғашқы жарыс күні аяқталды. Іріктеудің алғашқы күнінен соң ресейлік спортшылар көш бастап тұр, деп хабарлайды Olympic.kz. 

Бірінші жарыс күнінде гимнастар шығыршық немесе доппен жаттығу орындады. Бұл бағдарламалар көпсайыс қатарына енеді.

Іріктеу нәтижесі бойынша, шығыршықпен жаттығуда 23.650 ұпай жинаған Дина Аверина алда келеді. Екінші орында 23.400 ұпаймен тағы бір ресейлік спортшы Екатерина Селезнева орналасқан. Әзірге, үздік үштікті болгариялық Боряна Калейн (21.600) қортындылап тұр. 

Қазақстан сапынан Алина Әділханова мен Адиля Тілекенова өнер көрсетті. Әділханова 18.850 ұпаймен 29-шы, Тілекенова 18.475 ұпаймен 35-ші орында тұр. 

Күрес түрлерінен әлем чемпионатының екінші жарыс күні «алтынсыз» аяқталды

«Барыс-Арена» кілемінде грек-рим күресінен 67, 87 және 97 келі салмақтағы балуандардың финалистері анықталса, 55, 62, 72 және 82 келіде чемпиондар мен жүлдегерлердің есімі белгілі болды.

16 Қыркүйек 2019 09:54 711

Күрес түрлерінен әлем чемпионатының екінші жарыс күні «алтынсыз» аяқталды

Фото: olympic.kz

Күрес түрлерінен Нұр-Сұлтандағы әлем чемпионатының екінші жарыс күні аяқталды. Сондай-ақ, әлем біріншілігінің салтанатты түрде ашылу рәсімі өтті, деп жазады Olympic.kz. 

15 қыркүйекте грек-рим күресінен олимпиадалық салмақ дәрежелеріндегі балуандар сынға түсті. Өкінішке қарай, Қазақстан сапынан кілемге шыққан үш балуанымыз да жүлде ауылынан алыс қалды.

67 келіде белдескен Мейіржан Шермаханбет бірінші белдесуде-ақ АҚШ балуанына есе жіберсе, 87 келідегі Азамат Күстібаев үшінші айналымда кубалық Дэниел Григоричтен ұтылды. 97 келідегі Ерұлан Ысқақов екінші кезеңде Грузия балуаны Георгий Мелиядан таза жеңілді. 

Қазақстандық балуандардың қарсыластары да ұзаққа шаппады. Сол себепті, бүгін өтетін жұбаныш белдесулеріне біздің спортшылар қатыспайды. Аталған салмақ дәрежесіндегі Олимпиада жолдамасын балуандар аймақтық іріктеу турнирінде алуға тырысады. 

Осыдан 20 жыл бұрынғы тарихи сәтті жаңғыртып, әлем чемпионатының алтынын алатын мүмкіндік болған еді. Алайда, 55 келідегі Қорлан Жақаншаға мұндай бақ бұйырмады. Кіл мықтыларды, оның ішінде 2018 жылғы әлем чемпионы Эльданиз Азизлиді жеңген Қорлан ақтық сында алтыннан көз жазып қалды. Қазақ балуаны грузиялық Нугзари Цурцумиядан ірі есеппен ұтылды.

Грек-рим күресінен Қазақстан командасының капитаны, тәжірибелі Алмат Кебіспаев бұл жолы да үздіктер қатарынан көрінді. Әу баста алтын алады деп үміт артқан балуанға жапондық Шинобу Ота алдырмаған болатын. Ота өзіне ешкімнің тең келмейтінін дәлелдеп, әлемдік сынның алтынын тағынды. Ал Алмат болса, өзінің жүлде қоржынына әлем чемпионатының үшінші қоласын салды. Кебіспаев кіші финалда 2018 жылғы әлем чемпионатының күміс жүлдегері, қырғызстандық Тынар Шаршенбековті 9:0 есебімен ұтты. 

Осылайша, қазақ балуандары әлем чемпионатының күмісі мен қоласын қоржынға салды. Талай жыл арманға айналған алтынның орны әлі де бос тұр. Мүмкін, бүгін кілемге шығатын Мейрамбек Айнағұлов (60 келі), Асхат Ділмұхаммедов (77 келі) және Темірлан Шадукаевтардың (130 келі) бірі жанкүйерді қуантар.

Жаңалықтарға жазылу: