Волонтерлар вакцинацияның маңыздылығы туралы буклеттер таратты

762

Осылайша волонтерлар жұртшылықты вакцинациядан өтіп, пандемияны бірлесе тоқтатуға шақырды. 

Волонтерлар вакцинацияның маңыздылығы туралы буклеттер таратты

Бүгін елордалық волонтерлар сауда, ойын-сауық орындарында коронавирусқа қарсы екпенің маңызы жөнінде 1000 ақпараттық буклет таратты, деп хабарлайды inbusiness.kz қала әкімдігінің ресми сайтына сілтеме жасап.

"Волонтерлар "Хан Шатыр", "Керуен", "Keruen City", "Сарыарқа" ойын-сауық орталықтары мен "Астаналық" базарында ақпараттық буклеттер таратты. Осы арқылы халықты екпе жайлы көбірек сауаттандырып, вакцина салдыруға ынталандырғымыз келді. Вакциналаудан өте отырып біз тек өзімізді емес, отбасымызды, жақындарымызды және айналадағы адамдарды да коронавирустан қорғауға көмектесеміз", – деді Жастар саясаты мәселелері басқармасының басшысы Қайрат Қамбаров.

"Астана жастар" жастар ресурстық орталығының және қалалық волонтерлар штабының волонтері Арайлым Сапарәлінің айтуынша, алдағы уақытта да қоғамдық жерлерде ақпараттық буклет тарату жалғасады. Бұл шараға кез келген тұрғын волонтер ретінде атсалыса алады.

 

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу