WhatsApp әзірлеушілері келесі жаңартуды шығаруға дайындалып жатқаны белгілі болды. Келесі жаңалық байланыс құпиялығын жақсартуға арналған бір реттік аудиохабарламалар жіберу функциясы болмақ, деп хабарлайды inbusiness.kz 4pda.to сайтына сілтеме жасап.
WABetaInfo порталының мәліметі бойынша, бір рет қарау функциясы дыбыстық хабарламалар үшін әдеттегі хабарламалар сияқты жұмыс істейді - олар алушы тыңдағаннан кейін бірден жойылады. Жарияланған скриншоттарға қарағанда, мұндай файлдар 1 саны бар арнайы белгішемен белгіленген.
WhatsApp жаңа мүмкіндікті көпшілікке қашан қол жетімді ететіні әзірге белгісіз, өйткені оған iOS және Android бета нұсқасын қолданушылардың барлығы бірдей кіре қойған жоқ. Компания iPad және Mac құрылғыларына арналған қосымшаның сәйкес жаңартуымен қосымша жұмыс істеп жатқаны атап өтілді.
