Мәскеу биржасында сауда-саттық ашылған кезде "Яндекс" акцияларының бағасы тарихи максимумды жаңартты, деп хабарлайды Inbusiness.kz ТАСС агенттігіне сілтеме жасап.
Биржаның мәліметі бойынша, бір акцияның құны 5 679,8 рубльге дейін қымбаттады.
"Яндекс" акцияларының максималды құны бұған дейін 2020 жылдың 23 қыркүйегінде тіркелді. Ол кезде бір акция 5 653,2 рубльге саудаланған еді.
31 тамызда "Яндекс" "Яндекс.Еда", "Яндекс.Лавка", "Яндекс.Доставка" сервистері және автокөліктер мен роверлер бизнесіндегі Uber үлесін толығымен сатып алатынын хабарлады. Бұдан бөлек "Яндекс" Uber-ден бірлескен кәсіпорын акцияларының 4,5%-ын сатып алып, ондағы өз үлесін 71%-ға дейін арттырмақ.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
