13 қарашада Ыстанбұлдың орталық Истиклал көшесінде лаңкестік шабуыл жасаған Сирия азаматы Ахлам әл-Башир полиция ұстағаннан кейін-ақ қайғылы оқиға болған жерде жалғыз болмағанын, сыбайласынан жарылғыш құрылғыны жару туралы бұйрық алғанын мойындады, деп хабарлайды inbusiness.kz ТАСС сілтемесімен.
Террористің айтуынша, оны террористік актіні ұйымдастыруға қатысқан бірнеше адам бақылап, тіпті суретке түсірген. Әл-Башир түсіндіргендей, дүкен алдында отырған кезде қасына Хаджи есімді сыбайласы келіп, жарылғыш затты іске қосуға бұйрық берген. Ол бірден бомба салынған сөмкені орындықтың үстіне қойып, көпшіліктің арасына кіріп, қашып кеткен.
Бұған дейін БАҚ-та Стамбулдағы шабуылға күдіктіні американдық әскерилер оқытқаны туралы хабарланған болатын. Олсириялық Кобанидегі Күрдістан жұмысшы партиясының (КЖП) барлау мектебінде оқыған деп берілген.
13 қарашада Ыстамбұлдың орталығындағы Истиклал жаяу жүргіншілер көшесінде жарылыс болып, алты адам қаза тауып, 81 адам зардап шеккенін еске саламыз. Шабуыл жасады деген күдікті Ахкам әл-башир ұсталды, ол КЖП-мен байланысын мойындады. ІІМ мәліметтері бойынша, Сирияның шекаралас Кубань қаласынан шабуыл жасау туралы нұсқау келіп түсті. Тінту кезінде қыздан төлқұжат, ақша, сандық құрылғылар мен террористік актіні ұйымдастыруға арналған материалдар табылды. Кейін 21 мекен-жай бойынша тінту жүргізілді, қауіпсіздік қызметкерлері жалпы 50 адамды ұстады. Актіні ұйымдастырушылар Әл-баширды Грекияға салып жібереміз деп уәде берген, бірақ полицияның қолында бар ақпаратқа сәйкес, қызды Ыстамбұлда өлтірмекші болған.
