Қазақстанның екінші ракеткасы Юлия Путинцева Әйелдер теннисі қауымдастығы (WTA) рейтингісінде 52-орынға көтерілді, деп хабарлайды inbusiness.kz сайты.
Майами WTA 1000 турнирінің ширек финалына шығуы нәтижесінде Путинцева 68-ден бірден 52-орынға көтерілді.
Юлия Путинцева осы аптада Чарльстон (АҚШ) WTA 250 жарысында өнер көрсетеді. Оның алғашқы қарсыласы – аустралиялық Арина Родионова. Аринаны жеңсе, екінші айналымда украиналық Леся Цуренко күтіп тұр.
Майами додасының финалисі Елена Рыбакина әлемдік рейтингіде өзінің 4-орнын сақтап қалды. Үздік үштікте өзгеріс жоқ: Ига Швентек (Польша), Арина Соболенко (Беларусь), Коко Гауфф (АҚШ).
Ерлер арасында ATP рейтингісінде Александр Бублик 18-сатыда қалса, Александр Шевченко 58-ден 56-ға жоғарылады. Михаил Кукушкин – 134, Денис Евсеев 182-сатыда, Бейбіт Жукаев 201-сатыда, Дмитрий Попко 240-сатыда, Тимофей Скатов 277-сатыда тұр.
