Самарқанд қаласы 2025 жылы өтетін ЮНЕСКО Бас конференциясының 43-сессиясын өткізу орны ретінде таңдалды. Бұл туралы inbusiness.kz сайты Өзбекстанның Газета.uz басылымына сілтеме жасап хабарлайды.
Айта кетсек, соңғы сессиялар ұйымның штаб-пәтерінде өтті. Себебі, ұйымға мүше мемлекеттердің ешқайсысы конференцияны өз аумағында өткізуге шақырту алмаған.
Іс-шара ұйымның штаб-пәтері орналасқан Парижден тыс жерде 1985 жылдан бері алғаш рет ұйымдастырылады.
Сонымен қатар, қыркүйек айының басында өзбек президентінің көмекшісі Саида Мирзиёева Өзбекстанның Самарқандта өтетін ЮНЕСКО Бас конференциясының 43-сессиясын өткізуге дайын екенін хабарлады.
Еске сала кетейік, 2021 жылы ЮНЕСКО-ға мүше бірде-бір мемлекет Бас конференцияны оның 42-сессиясын өткізуге шақырмағандықтан, өткізу орны ретінде Париждегі штаб-пәтер таңдалған. Алдыңғы конференциялар да ұсыныстардың жоқтығына байланысты Франция астанасында өткен болатын.
Сондай-ақ, Өзбекстан президенті Шавкат Мирзиёев барлық шетелдік достары мен серіктестеріне конференцияны Самарқандта өткізу туралы тарихи шешімді қолдағаны үшін алғыс білдірді.
