Белорусь вице-премьері Юрий Назаров Қазақстан мұнайын тасымалдау туралы үкіметаралық келіссөздерді жүргізу құқығына ие болды.
Бұл шешім аталған елдің ұлттық құқықтық интернет порталында жарияланған №536 қаулыда бекітілген.
"Министрлер кеңесі премьер-министрдің орынбасары Юрий Назаровты мұнай мен мұнай өнімдерін тасымалдау бойынша Белорусь пен Қазақстанның үкімет аралық сауда-экономикалық келіссөздеріне қатысу уәкілеттігін растайды, қатаң мәнге ие емес жағдайда оған өзгеріс енгізуге рұқсат береді", - деп жазылған құжатта.
Сонымен қатар Назаров жоба аясында келісімге қол жеткізген жағдайда құжатқа қол қоя алады.
Еске сала кетсек, Белорусия Юрий Назаровтан бұрын бұл міндет Белорусияның бірінші вице-премьеры Дмитрий Крутойға жүктелген болатын. Кейін ол Президент әкімшілігі басшысының орынбасары қызметіне тағайындалды.
Құралай Құдайбереген
