Заңды тұлғалардың депозиттері бір айда 11 358,6 млрд теңгеге дейін 4,9%-ға төмендеген, жеке тұлғалардың депозиттері 11 188,5 млрд теңгеге дейін 4,3%-ға өскен.
"Ұлттық валютадағы депозиттер көлемі бір айда 14 390,7 млрд теңгеге дейін 0,8%-ға ұлғайды, шетел валютасында - 8 156,5 млрд теңгеге дейін 3,0%-ға төмендеді. Долларландыру деңгейі 2021 жылғы ақпанның соңында 36,2% (2020 жылғы желтоқсанда–37,3%)болды. Заңды тұлғалардың ұлттық валютадағы депозиттері 2021 жылғы ақпанда 7 304,3 млрд теңгеге дейін 5,4%-ға, шетел валютасында - 4 054,4 млрд теңгеге дейін 4,0%-ға (заңды тұлғалар депозиттерінің 35,7%-ы) азайды. Жеке тұлғалардың теңгедегі депозиттері 7 086,4 млрд теңгеге дейін 8,2%-ға өсті, шетел валютасында 4 102,2 млрд теңгеге дейін 1,9%-ға азайды (жеке тұлғалар депозиттерінің 36,7%-ы)",– деп жазылған Ұлттық банктің ақпан айындағы қаржы нарығындағы ахуал туралы мәліметінде.
Ал мерзімді депозиттердің көлемі бір айда 1,4%-ға азайып, 15 625,9 млрд теңге болған.
"Олардың құрылымында ұлттық валютадағы салымдар 9 845,2 млрд теңге, шетел валютасындағы салымдар – 5 780,7 млрд теңге болды",– деп қаржы реттеушісінің хабарламасында.
Банктік емес заңды тұлғалардың ұлттық валютадағы мерзімді депозиттері бойынша орташа алынған сыйақы мөлшерлемесі 2021 жылғы ақпанда 7,2% (2020 жылғы ақпанда – 7,1%), жеке тұлғалардың депозиттері бойынша – 8,9% (8,9%) болған.
