/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Зардап шеккен кәсіпкерлердің несиесін төлеу мерзімі 1 қазанға дейін шегерілуі мүмкін

Зардап шеккен кәсіпкерлердің несиесін төлеу мерзімі 1 қазанға дейін шегерілуі мүмкін

Асқар Мамин бизнесті қолдау бойынша қосымша шаралар қабылдауды тапсырды  

30 Шілде 2020 15:18 314

Зардап шеккен кәсіпкерлердің несиесін төлеу мерзімі 1 қазанға дейін шегерілуі мүмкін

ҚР Премьер-министрі Асқар Маминнің төрағалығымен өткен мемлекеттік комиссия отырысында ҚР Президенті Қасым-Жомарт Тоқаевтың карантиндік шараларды ұзарту және карантиннен кейінгі кезеңге дайындық жөніндегі тапсырмасының орындалу мәселелері қаралды, деп хабарлайды үкімет басшысының баспасөз қызметі.

Еліміздегі эпидемиологиялық ахуал, халық пен бизнесті қолдау шаралары туралы ҚР денсаулық сақтау министрі А. Цой, «Атамекен» ҰКП төрағасы А. Мырзахметов, ҚР Қаржы нарығын реттеу және дамыту агенттігі төрағасының орынбасары Н. Әбдірахманов, ҚР еңбек және халықты әлеуметтік қорғау министрі Б. Нұрымбетов, Алматы қаласының әкімі Б. Сағынтаев баяндады.

Үкімет басшысы алдағы екі апта ішінде өз қызметін уақытша тоқтатқан экономика салаларының қызметін қалпына келтіру бойынша жүйелі дайындық жұмыстарын жүргізуді тапсырды.

Ұлттық экономика министрлігіне мүдделі мемлекеттік органдармен, «Атамекен» ҰКП-мен бірлесіп, кәсіпкерлерге қолдау көрсету шараларын әзірлеу тапсырылды.

Ең көп зардап шеккен салалардағы ШОБ субъектілеріне мемлекеттік қолдау шарасы ретінде несие төлемдерін осы жылдың 1 қазанына дейінгі мерзімге кейінге қалдыру мүмкіндігі ұсынылады.

Премьер-Министр бизнес субъектілерінің қызметіне қойылатын санитарлық-эпидемиологиялық талаптарды бекітуді, сондай-ақ азаматтар мен кәсіпкерлік субъектілерінің санитарлық ережелерді сақтауына тиісті бақылау жасауды тапсырды.

Кәсіпорынның жұмысына салынған тыйымды алып тастау алгоритмі кәсіпкерлерді тіркеуді және «Info Kazakhstan» электрондық платформасында қызметті қайта бастауға өтінімдер қабылдауды қамтиды. Әкімдік, СЭҚ, өңірлік кәсіпкерлер палатасы қызметкерлері мен жұртшылық өкілдерінен құралған Комиссия тексергеннен кейін бизнес субъектілеріне қызметін қайта бастауға электрондық рұқсат беріледі.

Цифрлық даму, инновациялар және аэроғарыш өнеркәсібі министрлігіне коронавирус инфекциясының алдын алу және ақпараттандыруды арттыру бойынша мобильді қосымшаларды енгізу тапсырылды.

Қандай кәсіпорындар карантиннен бірінші болып шығады?

Бүгіннен бастап Шымкенттен басқа өңірлердің барлығында карантиндік шектеулер жеңілдетіледі.  

27 Сәуір 2020 18:28 278

Қандай кәсіпорындар карантиннен бірінші болып шығады?

Премьер-Министр Асқар Мамин Төтенше жағдай режимін қамтамасыз ету жөніндегі мемлекеттік комиссияның кезекті отырысын өткізді. Аталмыш отырыста Президент Қасым-Жомарт Тоқаевтың карантиндік режимді біртіндеп жеңілдету туралы тапсырмасын екі кезеңге бөліп іске асыру туралы шешім қабылданды. Сонымен, бірінші кезеңде Шымкент қаласынан басқа өңірлердің барлығында 27 сәуірден бастап өнеркәсіптік кәсіпорындар, құрылыс компаниялары мен құрылыс дүкендері, көлік, қоймалау, ауыл шаруашылығындағы сервистік ұйымдар, банктер мен қаржы секторының ұйымдары қатаң санитарлық шаралардыбасшылыққа ала отырып жұмысын жандандырады. Ал Шымкентте бұл кезең 1 мамырда басталатын болды.

Карантиннен шығудың екінші кезеңінде Нұр-Сұлтан қаласында қаржы және сақтандыру секторларының ұйымдары, электрлік тұрмыстық техника, саяжай маусымына арналған тауарлар сататын ірі дүкендер жұмысын бастайды.

Бұл кезеңде Алматыдағы көлік және қоймалау, ақпараттық-коммуникациялық технологиялар ұйымдары,қаржы және сақтандыру секторлары, техникалық қызмет стансалары, дөңгелек ауыстыру, тұрмыстық және кеңсе техникаларын жөндеу мекемелері жұмысын жалғастырады.

Үкімет Нұр-Сұлтан, Алматы және Шымкент қалаларының, өзге де облыстардың әкімдіктеріне 27 сәуірден бастап саяжайлар мен аула алаңдарының халыққа қолжетімділігін қамтамасыз етуді тапсырды.

1 мамырдан бастап Алматы мен Нұр-Сұлтанда әуе қатынасын жандандыру үшін әуелі күніне 4 рейстің ұшуына жағдай жасалмақ. 

«Рейстер күшейтілген санитарлық талаптарды сақтап, аз жолаушылармен және салонда ерекше қашықтықты сақтау арқылы жүзеге асырылады. Әкімдерге қоғамдық орындарды, өнеркәсіптік аумақтарды, әуежайлар мен балалардың ауладағы ойын алаңдарын сапалы түрде санитарлық өңдеуге, жалпы, санитарлық-эпидемиологиялық талаптарды қатаң сақтап, оған бақылау орнатуға ерекше көңіл бөлуді тапсырамын», — деді Асқар Мамин. 

Әскери полицияға 23 жыл толды

Кеңес үкіметі кезінде осындай орган болған жоқ.  

22 Сәуір 2020 21:32 222

Әскери полицияға 23 жыл толды

Қазақстанның Тұңғыш Президенті – Елбасы Нұрсұлтан Назарбаев 1997 жылы 22 сәуірде «Қазақстан Республикасының Құқық қорғау органдары жүйесін одан әрі реформалау жөніндегі шаралар туралы» Жарлыққа қол қойғаннан бастап Қазақстан әскери полициясының тарихы басталды, деп хабарлайды ҚР Қорғаныс министрлігінің баспасөз қызметі.

Аталмыш Жарлықпен құқық қорғау органдары жүйесін реформалау мәселелерін қарау жөніндегі мемлекеттік комиссия құрылды.

Қысқа мерзімнің ішінде әскери полиция туралы ереже әзірленіп, бекітілді. Оған сәйкес Қарулы Күштер құрамындағы құрылған орган өз міндеттері мен функциялары берілді.

Функцияның бірінші кезеңдерінде олардың міндеттері әскери көлік құралдарының жол қозғалысы қауіпсіздігін қамтамасыз етумен, патрульдеумен, әскери қызметшілерді іздестірумен және әскери қылмыстарды анықтаумен шектелді. Әскери полиция органдары қойылған міндеттерді орындауға білек-сыбана кірісіп кетті. Нәтижесінде құқық бұзушылықтар мен қылмыстардың саны қысқарды.

Тәжірибе жинай келе әскери полицияның міндеттері мен функцияларының ауқымы кеңейтіле бастады. Ол Қарулы Күштерде сыбайлас жемқорлыққа қатысты құқық бұзушылықтардың алдын алу бойынша өкілеттікке ие болды. Енді оның құзырына бұрын гарнизон бастықтарының қарамағында болған гауптвахталар берілді. Кинологиялық қызметтің пайда болуы маңызды болды. Оны талап етілетін жоғары деңгейге шығару үшін орасан зор жұмыс атқарылды. Қазір кинологтар мен қызметтік иттердің кәсібилігі Қазақстанда танылып, халықаралық деңгейде бағаланды. Оған әскери халықаралық ойындардағы кинологиялық бөлімшелер арасындағы «Адал дос» сайысында ие болған жүлделі орындары дәлел болып отыр.

2019 жылдың тамызында әскери полиция органдарының қызметі әскери қызметтің қауіпсіздігін қамтамасыз етумен толықтырылды. Осы мақсатта жеке басқарма құрылды, оған барлық әскери бөлімдерде, жергілікті әскери басқару органдарында әскери қызмет қауіпсіздігін бақылау бойынша міндеттер, сондай-ақ барлық ықтимал тәуекелдерді азайту бойынша алдын алу жұмыстарын жүргізу жүктелген. Бақылау шаралары барысында осы басқарманың қызметкерлері әскери қызметшілердің өмірі мен денсаулығына, қоршаған ортаға немесе жергілікті халыққа, залал келтіре алатын әскери қызметтің барлық салаларын тексереді. Тексеру қорытындысы бойынша әскери полиция бұзушылықтарды жою жөнінде ұсынымдар беріп, кейін қайта бақылау жүргізеді.

Қазақстан әскерінің күнделікті қызметін әскери полицияның қатысуынсыз елестету мүмкін емес. Оның қызметінің оң нәтижелері елдің қорғаныс қабілетін қамтамасыз етуге үлкен үлес қосады. Бүгінгі күні төтенше жағдай режимі мен Қазақстанда қабылданған карантиндік шаралар жағдайында әскери полиция Қарулы Күштердің басқа бөлімшелерімен қатар қоғамдық құқықтық тәртіпті қамтамасыз етуге белсенді қатысуда. Тәжірибелі әскери полиция қызметкерлері блокбекеттерде қызмет атқаруға, елді мекендерді бірлесіп патрульдеуге қатысуда.