БЖЗҚ-ның 200 млрд теңгесі екінші деңгейлі банктердің қаржы құралдарына инвестицияланады. Бұл туралы мәжілістегі үкімет сағатында ұлттық экономика министрі Тимур Сүлейменов мәлімдеді, деп хабарлайды strategy2050.kz.
"Өнеркәсіптік өндірісті қолдау үшін 445 млрд теңге бөлінді, оның 300 млрд теңгесі Ұлттық қордың қаржысы Қазақстан үкіметі мен Ұлттық банктің бірлескен жобасы аясында 155 млрд теңге дағдарысқа қарсы шаралар аясында 2016-2017 жылдарға арналған экономиканы ынталандыру бойынша берілді", – дейді Тимур Сүлейменов.
Айта кетейік, елдегі 8,9 млн тұрғын экономикалық белсенді. Оның 6,3 миллионы жалдамалы жұмысшы, 2,1 млн өзін-өзі қамтығандар, 441 мыңы жұмыссыз. Халықтың ортақ санынан шағын және орта бизнесте 3 млн адам істейді. Өткен жылдың қорытындысына жүгінсек, ШОБ-тың әрекеттегі субъектілер саны 1,1 млн-ға жуықтайды, олар 9 айда 11,2 трлн теңгенің өнімін шығарған. Шағын және орта бизнестің үлесі ЖІӨ-нің 24,9 пайызы.
Мемлекет басшысы бұл көрсеткішті 2050 жылға қарай 50%-ға дейін жеткізу міндетін қойды. Әлемдік статистикаға сүйенсек, әлем халқының 12%-ында ғана бизнеспен айналысу дағдысы бар.
