Бүгін Президент Қасым-Жомарт Тоқаев Үкіметке осы жобаның соңғы тетіктерін реттеуді тапсырды, деп хабарлайды Atameken Business.
Оған сәйкес, мұндай мүмкіндікке 2021 жылдан бастап, 700 мың салымшысы ие болуы тиіс. Қаражат бірінші кезекте баспана алу және ем-домға беріледі. Осы тұста, бұл жаңалықты халықтың, яғни салымшылардың өздері қалай қабылдағанын білсек.
Зейнетақы қорындағы ақшаның бір бөлігін алуға рұқсат беру - бюджеттің түбі көрінді деген сөз. Экономист Расул Рысмамбетов арнамызға эксклюзивті сұхбат беріп, бастамаға қатысты осындай пікір білдірді. Яғни, Үкімет әбден тығырыққа тіреліп, барынша амалдауға кіріскен. Жалпы бұл бастаманың былтырдан бері түйіні шешілмей келеді. Министр Біржан Нұрымбетовтың командасы одан алынатын ақшаның пайыздық коэффицентін әлі күнге нақтылай алмай жүр. Сонымен, халықтың тұрмыс-тіршілігін жақсартуға қатысты жолдауда тағы не айтылды?
