“Ақжол” партиясы азаматтардың талаптарын ескеріп, қор басшысы мен медицина өкілдерінің басын қосты. Азат Перуашев саланы нарықтық жолға салу қажет, деп есептейді. Сондай-ақ, қаражат мемлекеттік пен жекеменшік орталықтарға теңдей бөлінуі керек, деп хабарлайды inbusiness.kz тілшісі.
Ал медицина қауымдастығының өкілдері қордың функциясын Денсаулық сақтау министрлігінен алып, Үкіметке тікелей бағынысты қылсақ деген ұсыныс айтты.
“Үш қорды біріктіретін бірыңғай әлеуметтік банк құрсақ дұрыс болар еді. Яғни медициналық, зейнетақы және әлеуметтік қордың басын қоссақ біз әлеуметтік кепілдіктердің барлық түрін қамтамасыз ететін айтарлықтай маңызды жетістікке жетеміз. Біз оған болашақта келетін шығармыз”, - деді Medical Management Group негізін қалаушы Лейла Ишбаева.
