Біржолғы жинақтарды ата-ананың, бауырлар, балалар және асырап алушылардың еміне жұмсауға болады. Ол үшін денсаулығын түзегісі келетін салымшы тіркелген емханасына барып, дәрігерлік-консультативтік комиссияның қорытындысын алуға тиіс. Егер рұқсат берсе, ем-дом жүргізетін медициналық ұйымды таңдап, онымен шарт жасасу керек. Кейін қос құжаттың сканерленген нұсқасын "enpf-otbasy.kz" сайтына жүктеп, өтінім қалдыруға болады. 5 жұмыс күні ішінде ақша арнайы шотқа түсуге тиіс.
Салымшы зейнетақы жинағын орфандық ауруларды, яғни өмірге қауіп төндіретін созылмалы дерттерді емдеуге жұмсай алады. Сондай-ақ бұл ақшаны тіс емдетуге, пластикалық операцияға, радиотерапиялар мен радиохирургиялық процедураларға және көзді емдету мен протон терапиясына да жаратуға болады. Тек стамотологиялық қызметтерді Қазақстаннан басқа елдерде алуға тыйым салынған.
