Әлеуметтік желілерде соңғы үш күнде зейнетақы жинақтарының шекті мөлшерден артылған сомасы жоғалып кеткендігі туралы мәлімдемелер қате. Бұл туралы “Отбасы банк” баспасөз қызметі хабарлады, деп жазды inbusiness.kz.
“Мысалы, 2022 жылғы 25-28 наурыз аралығында берілген 53 649 өтінімді, сұралған қаражаттың жеткіліксіздігіне байланысты, БЖЗҚ кері қайтарды. Бұған валюта бағамының өзгеруі және осыған байланысты зейнетақы жинақтарын қайта бағалау әсер етті”, – деп түсіндірді қаржы институты.
Банк дерегінше, 2022 жылғы 25 наурызда зейнетақы активтерін қайта бағалауға ықпал еткен доллардың бағамы 494,16 теңгені, ал 2022 жылғы 28 наурызда 484,49 теңгені құрады.
“Өзінің БЗТ-ін бұрынғы шекті көрсеткіш бойынша пайдалану үшін банк enpf-otbasy.kz порталында өтінім беруді 2022 жылдың 29 наурызына дейін үлгеруді ұсынды. Себебі тұрғын үй жағдайларын жақсартуға және отбасын емдеуге арналған БЗТ-ін пайдалану қағидаларына сәйкес банк 2 жұмыс күні ішінде өтінімді өңдеп, БЖЗҚ-ға жібереді. БЖЗҚ қолданыстағы шекті көрсеткіш бойынша өтінімдерді 2022 жылдың 31 наурызын қоса алғанда сағат 23:59-ға дейін қабылдайды және қарастырады”, – деп нақтылады қаржы институты.
