Украина президенті Владимир Зеленский қаңтар айында Украина, АҚШ және Еуропа елдерінің қатысуымен көпжақты келіссөздер өткізуге дайын екенін айтты, деп хабарлайды inbusiness.kz сайты "РБК-Украина" басылымына сілтеме жасап.
Украина басшысының сөзінше, қаңтар айында кеңесшілер кездеседі. Киев келіссөздерді мемлекет басшылары деңгейіне көтеруді ұсынып отыр.
"Біз қаңтарда кеңесшілердің, кейін көшбасшылардың да кездесуі өткенін ұсынып отырмыз. Біздің пайымымызша, қаңтар айында Еуропа, АҚШ және Украина басшылары барлығының бірге кездесуге мүмкіндігі бар", – деп атап өтті Зеленский.
Зеленскийдің сөзінше, тараптар саяси күш-жігерін білдірген жағдайда қаңтар айында қол қойылуы ықтимал құжаттар пакеті әзірленген.
Сонымен қатар Украина президенті Ақ үй басшысы Дональд Трамппен және еуропалық көшбасшылармен сөйлесулер барысында Ресей тарапымен, оның ішінде Ресей басшысы Владимир Путинмен ықтимал келіссөздер мәселесін көтергенін растады.
"Мен Путинмен кез келген форматтағы кездесуге дайынмын", – деп атап өтті ол.
