Нью-Йоркте БҰҰ Бас Ассамблеясының 78-ші сессиясы аясында жоғары деңгейдегі апта басталады — ондаған мемлекеттердің президенттері, үкімет басшылары мен сыртқы істер министрлері қатысатын іс-шаралар мен келіссөздер кешені, деп жазады inbusiness.kz Euronews-ке сілтеме жасап.
Биыл негізгі пікірталастар Украинадағы соғыс пен жаһандық Оңтүстік елдерінің дамуы төңірегінде өрбіді.
Бір күн бұрын Украина президенті Владимир Зеленский АҚШ-қа келді. Ұшақтан түсе салысымен ол украин сарбаздары емделіп жатқан ауруханаға барды.
Украина көшбасшысы алғаш рет Бас Ассамблеяда жеке өзі сөйлейді, кейінірек АҚШ президенті Джо Байденмен кездеседі, сондай-ақ, ол басқа әлемдік көшбасшылармен, Конгресс өкілдерімен және америкалық кәсіпкерлермен кездесу жоспарланған.
Politico жазғандай, Зеленский Нью-Йоркте екі мақсатты көздейді: ол ұсынған "Бейбітшілік формуласына" қолдау табу және азық-түлік қауіпсіздігі дағдарысының шешімін табу.
