Алдын ала мәліметке сәйкес, Жоғарғы Радаға бес партия өткен. Ең көп дауысты президент Владимир Зеленскийдің партиясы – "Халық қызметшісі" иемденіп отыр, деп хабарлайды Atameken Business.
Партияға халықтың 43,9% -ы өз дауысын берген.
Ал, елдің экс-президенті Петр Порошенко жекекшілік ететін "Еуропамен ынтымақтастық" партиясы 8,9% -бен үшінші орында келеді. Бұл экзит-полл қорытындысы және ол тек партиялық тізім бойынша сайланатын депутаттарға байланысты көрсеткіш.
Жалпы, сайлауға Украинадағы дауыс беруге құқығы бар тұрғындардың 49,84 пайызы қатысқан.
Украинада пропорционалды-мажоритарлы сайлау жүйесімен дауыс берілді. Оған 22 партия, 6 мыңға жуық кандидат қатысқан.
Айта кетсек, Владимир Зеленский мамыр айында президент ретінде қызметіне кірісе сала Жоғарғы Раданы тарататынын мәлімдеген еді. Ол украиналықтардың парламентке сенімі жоғалғанын айтқан болатын.
