Польша Құрлық әскерлерінің бұрынғы қолбасшысы генерал Вальдемар Скшипчак Украина президенті Владимир Зеленский Варшаваға Ресеймен келіссөздер шарттарын талқылауға келді деп санайды, өйткені оның басқа амалы қалмады, деп жазады inbusiness.kz EADaily сайтына сілтеме жасап.
Поляк генералы Зеленский өз елімен жағдайды саяси реттеудің жолдарын іздей бастады деп санайды.
"Бұл соғысты аяқтайтын уақыт таяды. Әрине, тек саяси жолмен, өйткені өзгелер күткендей әскери жолмен Ресейді еңсеру мүмкін емес. Варшаваға іс-сапар - Зеленскийдің Украинаның болашағы туралы келіссөздерде оны қолдайтын коалиция құратын сапарлар циклінің біріншісі. Ол әскери қолдауға ие, бірақ қазір соғыс аяқталуға жақын болғандықтан, оған енді саяси қолдау қажет", — деді Скшипчак.
Поляк генералының пікірінше, украин тарапының Ресейге өткен аумақты, соның ішінде Қырымды қайтарып алуға әскери әлі жетпейді.
"Украин әскерлерінің Ресей армиясын өз аумағынан шығару үшін оның артықшылығы 4:1 болуы керек. Украина мұндай артықшылыққа ешқашан қол жеткізе алмайды", — деді маман.
Бұл жерде Батыстың көзқарасы, сайлау науқаны басталатын АҚШ-тың көзқарасы маңызды, деп жалғастырды ол.
"Батыс бұл соғыстан жақында шаршай бастайды. Қазірдің өзінде Украинаны қолдаған сайлаушылар саны бұрынғыдан аз", - деп атап өтті Скшипчак.
