Вице-премьер коронавирус инфекцияның пайда болуы мен таралуына жол бермеу бойынша өткен мемлекеттік комиссия отырысының қорытындысын жариялағанда осылай деді.
"Мемлекет басшысы Қасым-Жомарт Тоқаевтың тапсырмасымен 5 маусымынан бастап коронавирустың таралуына байланысты Қазақстан бойынша жарияланған қатаң шаралар өз нәтижесін берді. Бүгінгі таңда аурудың тәуліктік өсімі 4%-дан 1,7%-ға төмендеді. Аурудан жазылғандардың саны 66%-ға жетті. Жедел жәрдем шақыру саны 40%-ға, оның ішінде коронавирусқа қатысты шақыру 52%-ға азайды. Ауруханалардағы жататын орындардың қолдану деңгейі 90%-дан 40%-ға дейін төмендеді. Осыған байланысты еліміздің 7 өңірінде 15 провизорлық стационар жабылды. Ауруханалар мен емханаларда бір айлық дәрі-дәрмек қоры қалыптасты. Бөлшек сауда нарығын қолдау үшін Қазақстанға шетелден 10 млн-ға жуық дәрі-дәрмек жеткізілді", – деді үкімет басшысының орынбасары.
Ералы Тоғжановтың сөзінше, жағдай жақсарды деп босаңсуға болмайды.
"Президенттің тапсырмасына орай бүгін премьер-министрдің төрағалығымен өткен мемлекеттік комиссия карантин шараларын тағы 2 аптаға ұзарту туралы шешім қабылдады", – деді ол.
Қанат Махамбет
