Жағдайды бақылай алмай қалу қаупі туып тұр – Дәурен Абаев

Жағдайды бақылай алмай қалу қаупі туып тұр – Дәурен Абаев

6000 адам науқастармен байланыста болған.

28 Наурыз 2020 16:19 5058

Жағдайды бақылай алмай қалу қаупі туып тұр – Дәурен Абаев

Ақпарат және қоғамдық даму министрі Дәурен Абаев коронавирустың таралуы бақылаудан шығып кетуі мүмкін екенін ескертті

«Бүгінгі тікелей эфирді онлайн-брифинг емес, үндеу деп қабылдаған жөн. Өздеріңіз көріп отырсыздар, індеттің таралуы үдеп барады. Бір түнде 40-тан астам адам анықталғаны алаңдататын жағдай. Қазір вирус жұқтырғандар саны 204-ке жетті. 1899 адам стационарлық карантинде... 6000-нан аса адам ауырғандармен байланыста болған. Олардың 95 пайызы анықталды. Қазір біз өте күрделі кезеңде тұрмыз. Вирус таралуын бақылай алмай қалу қаупі туындап отыр. Өзге елдердегі жағдайға қараңыздар. Италияда бір күнде 969 адам қайтыс болған. Оның барлығы сақтық шараларына салғырт қарағанның салдары. Бұл жағдай бәрімізге сабақ және ескерту болуы керек. Коронавиурс әсіресе жасы үлкен адамдарға қауіпті. Олардың ішінде бәрімізді атамыз бен әжеміз, әкеміз бен анамыз бар. Өзіміз үшін қорықпасақ та, ең болмаса сол үлкендерімізді ойлайық. Кейбір адамда ауру белгілері білінбеуі мүмкін. Ондай адам үйде отырмаса, өзі білмей адамдарға жұқтырады. Осылайша ондаған отбасының обалына қалуымыз мүмкін. Осындай жағдайдан сақ болайық, Қазір вирусқа қарсы ең тиімді күрес – карантин режимін сақтау»,– деді министр тікелей эфир арқылы.

Есжан Ботақара

inbusiness.kz-ті қараңыз, оқыңыз :

Дәурен Абаев: Бізге сенбесеңіздер италиялықтардан сұраңыздар

«Адамдарда COVID-19 вирусына қарсы ешқандай иммунитет жоқ».

29 Наурыз 2020 17:03 207

Дәурен Абаев: Бізге сенбесеңіздер италиялықтардан сұраңыздар

Фото: Максим Морозов

Коронавирус типіндегі індет ең алғаш 1965 жылы бегілі болғанымен, бүгінгі COVID-19 вирусындай қауіпті болмаған. Сондықтан оның қаупін елемеу үлкен өкінішке әкелуі мүмкін. Тікелей эфир арқылы кезекті онлайн-брифинг өткізген Ақпарат және қоғамдық даму министрі Дәурен Абаев осындай іпкір айтты.

«Бізден бір ақпаратқа қатысты комментарий беруді сұрап жатыр. Қазір «коронавирус ешқандай жаңа ауру емес, ол 1965 жылы анықталған және адамдардың 70 процентінде оған қарсы иммунитет бар» деген ақпарат таралуда. Бұл жерде ескеретін мәселе бар. Дәрігерлер мен мамандар мені толықтырады деп ойлаймын. Коронавирус ол – вирус тұқымдасы. Оған 40-тан астам вирус кіреді. Шынында да 1965 жылы осындай вирустың алғашқы түрі табылған. Бірақ ол COVID-19 емес. Сондықтан қазір коронавирустен қорықпай, жұмысқа, көшеге шығуға болады деп айту – іріткі салу. Адамдарда COVID-19 вирусына қарсы ешқандай иммунитет жоқ. Сенбесеңіздер, Италия тұрғындарынан сұрауға болады деп ойлаймын. Сондықтан санитарлық талаптарды сақтап, үйде отыру керек», – деді Дәурен Абаев.

Төтенше жағдай: 42 500 теңге алудың шарттары өзгерді

Ақысыз демалысқа шыққандарға табысынан айырылғаны туралы анықтама алудың қажеті жоқ.

29 Наурыз 2020 16:47 25492

Төтенше жағдай: 42 500 теңге алудың шарттары өзгерді

Ақпарат және қоғамдық даму министрі Дәурен Абаев төтенше жағдай кезінде табысынан айырылғандарға берілетін төлем рәсімдеудің тәртібі өзгергенін мәлім етті.

«Жақсы жаңалық та бар. Еңбек және халықты әлеуметтік қорғау министрі «Әлеуметтік сақтандыру» мемлекеттік қорының есебінен төтенше жағдай кезінде табысынан айырылуына байланысты жаңа әлеуметтік төлем алатын азаматтардың тізімін кеңейтті. Оны тағайындау тәртібі де оңтайландырылды. Біріншіден, төлем алушылар қатары кеңейді.  Бұған дейін 42500 теңге алады делінген топтың қатарына жаңа тұлғалар қосылды. Ол – азаматтық-құқықтық сипаттағы келісімшарт негізінде қызмет көрсетіп, салық агенттері арқылы мемлекетке түсім аударып келгендер. Сондай-ақ карантин енгізілген өңірлердегі ірі бизнес нысандарының жұмысшылары да осы топқа енді. Екіншіден, төтенше жағдайға байланысты табысынан айырылғанын растайтын құжат талап ету тоқтатылды. Бұған дейін, жұмыс берушілер табысынан айырылған қызметкерлері туралы өтінішті өздері берсе, жеке кәсіпкерлер өздері үшін құжат тапсыратын. Оның өзінде жұмыс берушілер төтенше жағдай кезінде табысынан айырылғанын растайтын құжат пен ақысыз демалысқа жіберілген жұмысшылардың тізімін көрсетуі қажет болған. Енді әлеуметтік төлем тағайындау үшін жұмыс беруші табысынан айырылған жұмысшылардың тізімін ғана өткізеді. Ал жеке кәсіпкерлер мен қосалқы шаруашылық иелері өтініш пен жеке бас деректерін берсе болды. Жұмысшы жұмыс берушінің құжат өткізгенін күтпей-ақ, өзі де өтініш бере алады.  Бұл жерде өтініш берушілер ұсынған ақпараттың растығы үшін жауапкершілік арқалайды.  Өтініш электронды үкімет порталы арқылы электронды түрде берілуі керек. Үшіншіден,  төлем қабылдау үшін әлеуметтік сақтандыру қорына қатысу мерзімі қысқартылды. Бұрын  әлемуеттік төлем тағайындалу үшін жұмыс беруші кемінде 3 ай бойы әлеуметтік сақтандыру жарнасын аударған болуға тиіс еді.  Енді жұмысшы атынан соңғы 12 айда тым болмаса 1 рет жарна аударылса жетіп жатыр. Оны Азаматтарға арналған үкімет жүйесінде автоматты түрде тексеруге болады. Ол үшін құжат жинаудың қажеті жоқ. Төртіншіден, өтінімдерді қабылдау  және тағайындау мерзімі 7 күннен 3 жұмыс күніне қысқартылды», – деді ведомство басшысы.

Есжан Ботақара

Жаңалықтарға жазылу: