Түрлі қабылданған шаралардың арқасында 36 мыңдай жұмысшының құқығы қорғалып, 5 млрд теңгенің берешегі өтелген. Бұл мәлімет бүгінгі Үкімет отырысында айтылды, деп хабарлайды Atameken Business.
Енді, жалақыны уақытылы беру жөнінде заңнама нормалары тағы да қатаңдатылады. Мұндай тапсырманы премьер-министр жауапты орган басшыларына жүктеді.
Асқар Маминнің айтуынша, заңнама нормаларын жалақы төлемеу жұмыс беруші үшін тиімсіз болатындай ету керек.
"Елбасы мен Мемлекет басшысының міндеттеген тапсырмаларының бірі – әлеуметтік тұрақтылықты қамтамасыз етіп, жұмысшылар үшін қауіпсіз еңбек жағдайын жасау. Сондықтан бар ынтаны осы бақытқа жұмсау қажет. Сондай-ақ еңбек қатынасында жалақы бойынша қарыздарды монитринг жасау алгортмін қайта қарау керек",– деді Үкімет басшысы.
Бұл бағытта жауапты органдар кәсіподақтар мен "Атамекен" кәсіпкерлер палатасымен бірлесе отырып жұмыс істеуі керектігі айтылды.
