Мамандардың айтуынша, пәтер іздеп жүргендердің дені- 25 пен 58 жас аралығындағы ер-азаматтар. Төсек-орны, ыдыс-аяғы бар ма ол жағына аса мән бермей, ең бастысы аялдайтын төрт қабырға болса деп жатқандарын айтты.
Соңғы үш күннің ішінде баға шарықтап кетті. Мысалы, 1 бөлмелі пәтер бұрын 70 мың тұрса, қазір бір ай мерзімге жалдау бағасы – 150 мың теңге. Бұл ескі панель үйдегі пәтерлердің құны. Ал жаңадан салынған, элит саналатын "Батыс-2" ауданындағы баға тіпті аспандап тұр. Бұрын 1 бөлмелі пәтерді жалдау 150 мың теңге болса, қазір 300350 мың теңге сұрайды. Екі бөлмелі пәтердің бағасы 400-500 мыңға кетеді. Бұрын оларды бір айға жалға алу – 180 мың теңге болатын. Пәтер іздегендер ең бірінші тезірек орналасып алуды ойлап жатыр, күй таңдап, маған мынау ұнамайды деген сыңай байқамадық, - дейді жылжымайтын мүлік агенттігінің қызметкері Жанболат Жарбаев.
Ақтөбеге негізінен Ресейдің Уфа, Орск, Орынбор қалаларынан келіп жатыр. Пәтерді көбісі 1 мен 3 айға жалдап жатыр екен.
