Элиталы тұрғын үйдің иелері өз пәтерлерін 800 мың теңгеге жалға беріп, үкіметке салық төлемейді. Мұндай мәлімдемені Алматы қаласы Медеу аудандық кірістер басқармасының мамандары жасады.
Нақтысалақ, бір элиталы тұрғын үйде 12 пәтер заңсыз жалға берілетіні анықталған. Ал оны шетел азаматтары жалдайды. 1 бөлмелі пәтердің бір айлық құны 150 мың теңге болса, 2 бөлмелі – 200-250 мың теңге, 3 бөлмелі пәтерлердің бағасы 550 мың теңгеге дейін бағаланса, 4 бөлмелілері 550 ден 800 мың теңгеге дейін жетеді екен.
Осы пәтерлердің иелері жеке кәсіпкер ретінде тіркелмей, көлеңкелі бизнеспен айналысып жүр дейді кірістер басқармасындағылар.
Олардың айтуынша пәтер иелеріне ресми түрде кәсіпкер деп тіркелуге 1 апта уақыт беріліпті. Егер тіркелмеген жағдайда оларға айыппұл салынады.
Айта кетейін, осы жылдың 1 ақпанынан бастап қаладағы уақытша тіркеумен тұрып жатқан адамдары бар пәтерлер толықтай тексеріле бастайды.
