Сыртқы істер министрі өзі туралы түрлі сыбыстар айтылып, қаңқу сөздер жазылып жатқан уақытта жұмыста болғанын, түрлі кездесулер өткізгенін де ерекшелеп айтты, деп хабарлайды inbusiness.kz сайты.
– Шынымды айтсам, бұл – жалған, абсурд. Кейбір адамның көктем, күз кезінде сондай әдеті болады, бұл тіпті пікір білдіруге тұрмайды. Мен жұмыс орнымда отырдым, кеңестер өтті, өзге елдердегі әріптестеріммен телефон арқылы сөйлестім, инвесторлармен кездесулер болды, бәрі әдеттегідей, – деп қосты ол.
БАҚ өкілдерінің "Сотқа жүгінесіз бе?" деген сұрағына жауап берді.
– Біз құқықтық мемлекетте өмір сүріп жатырмыз, Қазақстан – зайырлы мемлекет. Арнайы органдар бар, қажет болса, солар айналысады, – деді министр.
Мұрат Нұртілеу журналистерге Президент Жолдауынан соң шетелге іссапарға шығатыны туралы да ақпарат беріп өтті.
