Белгілі қазақстандық әнші Балжан Бидаш әлеуметтік желіде анасына ақжарма тілегін жолдап, оны туған күнімен қалай құттықтағанын оқырмандарына көрсетті. Бұл туралы inbusiness.kz сайты хабарлайды.
Сонымен қоса, отандық шоу-бизнес жұлдызы анасының туған күні екенін дәл тапқан жанкүйеріне ақшалай сыйлық беріп үлгерді.
“Достар, бүгін мен үшін – ерекше күн. Анашымның туған күні. Перзенттік парызымды өтей алмасам да, қолымнан келгенше қуантқым келеді. Оқырмандарыммен бірге сыйлық таңдайық”, – деп әнші тыңдармандарын қызықтырып қойды.
Сондай-ақ, Балжан Бидаш өзінің инстаграм парақшасында анасына әсерлі жазба қалдырып, туған күнді тойлау кешінен естелік видеоны жариялады.
Онда танымал өнер иесінің алдымен анасына сыйлық таңдап жүргенін көруге болады. Сондай-ақ, әнші сыйлыққа таңдау жасаған соң, гүл шоғын алып бірден анасына барған. Ол аяулы анасын қалай құттықтағанын қалың көпшілікке көрсетті.
"Анашым 100 жасаңыз. Қандай жетістігім болсын осы ата-анамның қолдауының арқасы. Тәрбие, білім, ақыл, еркіндік, таңдау бергендеріңізге рахмет! Тек ата-анаға қарыз болайық. Армандарыңызға жетіп, аналарыңызды қуанта беріңіздер. Бірақ оларға біздің бір телефон соғып көңіл бөлгеніміз де жеткілікті болуы мүмкін. Жұғысты болсын сүйікті оқырмандарым", – деп жазды Балжан Бидаш.
Айта кетсек, шоу-бизнес жұлдызы анасына бағалы брендтен аяқ-киім алып берген. Оның айтуы бойынша, сыйлықтың жалпы құны – 600 мың теңге.
