Бұл өткен жылдың сәйкес кезеңіне қарағанда нақты мәнде 5%-ға артық, деп жазады inbusiness.kz finprom.kz порталына сілтеме жасап.
Жалпы өңірлік өнім көлемі бойынша ең жоғары өсім Алматыға тиесілі: бір жылда +13,9%. Көрсеткіш орташа республикалық мәннен 2,5 есе көп.
Одан кейінгі орындарда Ұлытау және Жетісу облыстары орналасты: сәйкесінше +13% және +11,4%. Қарағанды және Ақтөбе облыстарының нәтижелері көңіл көншітерлік деңгейде емес.
Ресурстың жазуынша, елдің ЖІӨ құрылымында ең көп үлес Алматы қаласында: биылға қаңтар-наурыз айларында 20,2%.
Бұл ретте басқа өңірлердің көрсеткіштері айтарлықтай төмен. ЖІӨ-дегі үлесі бойынша бестік қатарында Атырау облысы (14,1%), Астана қаласы (10,3%), Қарағанды (6,9%) және Алматы (4,3%) облыстары енген. Республикада жалпы ішкі өнімдегі ең аз үлес Жетісу облысына тиесілі: 1,3%.
ЖІӨ-нің өсуіне Алматы айтарлықтай әсер етті.
Алматы қаласының ЖӨӨ құрылымында тауарлар өндірісінің үлесі – 8,1%, қызметтер – 83,3%.
