Жаңа жобалар туралы Қазақстан Республикасы Энергетика вице-министрі Әлібек Жамауов Жамбыл облысының тұрғындары алдында өткен есеп беру кездесуінде мәлімдеді. Бұл туралы inbusiness.kz сайты Қазақстан Республикасы Энергетика министрлігіне сілтеме жасап хабарлайды.
Өз сөзінде вице-министр қазір облыста қуаттылығы 251 МВт-тан асатын 5 күн электр станциясы, қуаты 176 МВт 9 жел электр станциясы және қуаты 15 МВт 5 су электр станциясы жұмыс істеп тұрғанын атап өтті. Бұл облыс көрсеткіштің қуаты бойынша Қазақстанда көш бастап тұр.
Газдандыру деңгейі бойынша, Жамбыл облысы да республика бойынша алдыңғы қатарда тұр және 90,2% немесе 1,1 млн адам табиғи газға қол жеткізе алады. Сонымен қатар, 2024 жылға 5 жобаны жүзеге асыруға 3,3 млрд теңге қарастырылған және оның 600 млн теңгесі Мойынқұм ауданының 9 елді мекенін газдандыруды бастауға арналған. Жобаларды жүзеге асыру нәтижесінде 39 мыңға жуық тұрғыны бар 14 елді мекен табиғи газға қол жеткізе алады.
Сондай-ақ, Әлібек Жамауов Жамбыл облысына іс-сапары барысында "ТаразЭнергоЦентр" АҚ ЖЭО-4 және "Т.И. Батуров атындағы Жамбыл ГРЭС-де" болып, өңірдегі жылыту маусымының өтуімен танысты. Осы энергия кәсіпорындары басшылығының ақпараты бойынша, облыста жылыту маусымы тұрақты режимде өтіп жатыр.
