Жамбыл облысында 15 білім беру ұйымының лицензиясы тоқтатылды

Жамбыл облысында 15 білім беру ұйымының лицензиясы тоқтатылды

09 Ақпан 2019 09:14 891

Жамбыл облысында 15 білім беру ұйымының лицензиясы тоқтатылды
Жамбыл облысының білім саласында әкімшілік құқық бұзушылық туралы 86 іс қозғалды.

Жамбыл облысының білім саласында әкімшілік құқық бұзушылық туралы 86 іс қозғалды. Оның 70-і қаралып, 1710 айлық есептік көрсеткіш мөлшерінде айыппұл салынған. 15 білім беру ұйымының лицензиясы 6 айға дейінгі мерзімге тоқтатылды, деп хабарлайды ҚазАқпарат.

Бұл туралы облыстық білім саласындағы бақылау департаменінің басшысы Дәмеш Үскімбаева айтты. Аталмыш департамент қозғаған 16 әкімшілік іс сотқа жолданып, 605 айлық есептік көрсеткіш мөлшерінде айыппұл салынған. 3 заңды тұлғаға қатысты әкімшілік істер қысқартылды.

"Білім беру қызметін лицензиялау бойынша өткен жылы 511 өтініш түсті",– дейді департамент басшысы.

Сондай-ақ, департамент басшысы мен қызметкерлері 2019 жылғы 17-19 қаңтар күндері аралығында М.Х.Дулати атындағы Тараз мемлекеттік университеті, Тараз мемлекеттік педагогикалық университеті, Жаңатас, Шу қалалары және Қордай ауданындағы ұлттық бірыңғай тестілеуге қатысқан.

Айта кетейік, облыс бойынша тестілеуге қатысуға 8331 бітірушінің 1993-і өтініш беріп, 1865 түлек ҰБТ-ға қатысты. Орташа балл - 63,95.

Ұқсас материалдар:

kyzylorda-oblysynyn-uzdik-kasipkerlerine-1-million-tengeden

aktobede-zhasandy-su-kojmasynda-afrikalyk-zhajyn-osiriledi

turkistan-oblysynda-mal-bazarynda-ayu-da-tur

eta1lon-mark1aly-munaj-bagasy-tomendedi

eaeo-aumagynda-50-million-kontrafaktili-onim-tabylgan

загрузка

×