Жамбылдық полицейлер 267 келiден астам есірткі затын тәркіледi, деп хабарлайды inbusiness.kz ІІМ ақпараттық порталына сілтеме жасап.
27 шілдеде Жамбыл облысы ПД Есірткі қылмысына қарсы іс-қимыл басқармасының қызметкерлері Шу ауданының құмды аумағында марихуананы кептірiп дайындап жатқан 51 және 58 жастағы азаматтарды ұстаған. Ұсталғандардан жалпы салмағы 267 келi 300 гр кептірілген марихуана есірткі заты табылып, тәркіленген.
"Күдіктілер кiнәсын мойындап, Шу қаласының уақытша ұстау изоляторына қамаққа алынды. Аталған дерекке қатысты Қазақстан Республикасы Қылмыстық кодексінің 297-бабы 3-бөлігімен (Есірткі заттарын, сол тектестерді өткізу мақсатында заңсыз дайындау, қайта өңдеу, сақтау, тасымалдау, өткізу) сотқа дейінгі тергеу амалдары жүргізілуде",- деп жазылған хабарламада.
