Жамбыл облысында 610 көппәтерлі тұрғын үй күрделі жөндеуді қажет етеді, деп хабарлайды облыс әкімдігінің баспасөз қызметі.
Әкімдіктің мәліметіне сүйенсек, облыста 1574 көппәтерлі тұрғын үй бар, оның 610-ы, яғни 38,7%-ы күрделі жөндеуді қажет етеді.
Тұрғын үй-коммуналды шаруашылықты жаңғырту бағдарламасы аясында жалпы 2986,236 млн теңгеге 218 үй, оның ішінде республикалық бюджеттен бөлінген 2489,483 млн теңгеге – 172 үй жөнделді. Жалпы Жамбыл облысында 5 жылда 436 тұрғын үй жөнделді.
Бүгінгі күні тағы 392 үй жөндеуді қажет етіп тұр, бұл жалпы 1574 үйдің 25%-ы.
2017 жылдың 1 ақпанына дейін пәтер иелері бағдарлама аясында 584,615 млн теңгені немесе 64,6%-ын қайтарды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
