Жамбыл облысында "Қазақстан Республикасының Конституциясы күні" қарсаңында аудандарға 40-қа жуық арнайы медициналық жедел жәрдем көлігі салтанатты жағдайда тапсырылды, деп хабарлайды ZhambylNews.
Атап айтқанда, Жамбыл және Жуалы, Шу аудандарына 3 автокөліктен берілсе, Қордай ауданына – 11, Меркі және Мойынқұм мен Сарысу аудандарына – 2 автокөліктен, Тұрар Рысқұлов ауданына – 9 автокөлік, Талас ауданына 1 автокөлік табысталды.
Айта кетсек, қалалық жедел жәрдем станциясында 2014 жылы 56 санитарлық автокөлік болған, сол жылы облыстық бюджеттен 4 көлік алынып, барлығы 60 көлік болды. 2018 жылдың 1 шілдесінен бастап, жедел жәрдем қызметі орталықтандырылып, "Жамбыл облыстық жедел жәрдем станциясы" болып өзгертілді.
2018 жылы 253,0 млн теңгеге 27 автокөлік сатып алынған болатын.
