/img/tv1.svg
RU KZ
DOW J 25 414,54 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 50,10
Жамбыл облысында екі ауылға таза ауызсу жетті

Жамбыл облысында екі ауылға таза ауызсу жетті

Шалғайдағы қос елді мекенде орталықтандырылған су жүйесі бұрын-соңды болмаған

22 Қыркүйек 2019 15:28 395

Жамбыл облысында екі ауылға таза ауызсу жетті

Жамбыл облысының Сарысу ауданындағы екі ауылға таза ауызсу жетті, деп хабарлайды ҚазАқпарат.

Арыстанды мен Қызылдиқан ауылдарының тұрғындары бұған дейін тіршілік нәрін құдықтан немесе бұлақ көздерінен тасып ішкен еді. Енді бұл қиыншылықтар артта қалып, тұрғындар үйлеріне таза суды тартуда. Қызылдихан ауылын ауызсумен қамтамасыз ету жүйесі құрылысының жобалық-сметалық құны 2 миллион теңгені құрайды, 5 111 метрлік су құбыры бойында бұрғыланатын 3 ұңғыма орнатылған. Бас мердігер –«IMPULSE-LTD» ЖШС. Құрылыс барысында ұңғыманы бұрғылау, электр желісін тарту, магистральді су құбырын тарту жүргізілген. Сонымен қатар су жинау ғимаратының құрылысы жүруде. Ал, Арыстанды ауылын ауызсумен қамтудың жобалық құны 242 миллион 984 мың теңгені құраған. Аталмыш қаражатқа 5 663 метр құбыр тарту жұмыстарын мердігер «Интеллект Азия» ЖШС жүргізген. Құрылыс компаниясы құбырды тарту жұмыстарын аяқтап, резервуарды орналастыру, су жинау ғимаратының темір-бетон қоршауын орналастыру, электр желісін тарту, трансформатор орнату жұмыстарын атқарды.

«Ауданда барлығы 26 елді мекен бар десек, оның он бесі орталықтандырылған таза ауызсу тұтынып отыр. Тағы екі елді мекен қосылуда. Арғы жағында төрт елді мекеннің екеуіне жобалық-сметалық құжаттама дайындалуда. Екеуіне су асты қорын барлау, зерделеу жұмыстары анықталған. Қалған бес елді мекен бізде елу адамнан кем, әлеуметтік жағынан тиімсіз болып есептеледі», - дейді сарысу аудандық ТKШ жолаушылар көлігі және автомобиль жолдары бөлімінің басшысы Еркін Алтешов.

inbusiness.kz-ті қараңыз, оқыңыз :

Жамбыл облысында жел электр станциясы салынуда

Құрылғылардың биіктігі 100 метрді құраса, айналмалы жел бағаналарының диаметрі 80 метр болады.  

12 Қазан 2019 09:43 470

Жамбыл облысында жел электр станциясы салынуда

Жамбыл облысы Жаңатас қаласының маңынан «Жаңатас» жел электр станциясы салынуда, деп хабарлайды ҚазАқпарат.

Жаңатас» ЖЭС құрылысына жалпы 233 гектар жер бөлінген. Инвестор «China Power International Holding Ltd» компаниясы жүргізіп жатқан жоба құны 130 миллион АҚШ долларына тең.

Жобаның алғашқы кезеңі бойынша 40 жел қондырғысы орнатылып, қуаттылығы 100 МВт-ты құрайды деп көзделген. Ал, екінші кезеңде қуаттылықты 200 МВт-қа дейін ұлғайту жоспарлануда. Жалпы станция жыл сайын желден 340 миллион кВт/с электр энергиясын өндіреді деп болжанып отыр. Өткен жылы бастау алған жоба келер жылы наурыз айында іске қосылатын болады. Қазіргі таңда құрылыс барысында 200 адам тер төгуде, жоба толығымен іске қосылғанда 40 адам тұрақты жұмыспен қамтылмақ.

Бүгінде нысан аумағында жел деректерін өлшеу бойынша 6 құрылғы орнатылған. Тағы да діңгектер орнату үшін 14 іргетас құйылып, қазаншұңқырлар дайындалуда. Жалпы, екі кезең бойынша осындай барлығы 80 құрылғы орнатылмақ.

Билікөлде балықтың бес-ақ түрі қалған

Жамбыл облысындағы Билікөл көлінің экологиялық жағдайы мүмкіл хәлде. Экологтар мәселе облыстық емес, республикалық деңгейде қарастырылуы қажет деп есептейді.

17 Қыркүйек 2019 15:20 337

Билікөлде балықтың бес-ақ түрі қалған

Апатқа химиялық өнеркәсіптер қалдықтарының төгілуі себеп болған. 1983 жылдан бастап Билікөл таза су қоймасы қатарынан шығып, Қазақстандағы ең лас су айдындары қатарына кірген.

Бірнеше жыл бұрын ҚР Ядролық физика институтының мамандары көлдің радиациялық көрсеткіштерін зерттеп, онда литий, бор, мырыш, стронций, молибденнің көп мөлшері бар екенін анықтаған. Қалыпты жағдайда 1 литр суда 15 микрограмм көрсететін уран концентрациясы мұнда 17,3 микрограмды көрсеткен.

1990 жылы Билікөлдің су жинау алаңы 5 170 шаршы шақырым, ұзындығы – 9,28 шақырым, ені 5 шақырымды құрады. 1948 жылдары көлдің деңгейі 643 см болса, 2016 жылы 366 см болды, яғни су деңгейі 2 метр 72 см-ге дейін төмендеп кеткен.

«Жаздың аптап ыстығында қамыс пен балдырдың шіру үдерісі күрт көтеріліп, көмірқышқыл газы көбейіп, судағы оттегі азаюда. Яғни, көлдегі флора мен фауналардың жойылу үдерісі жылдам жүріп жатыр. Су мөлшерінің аздығы және көлдің ластануы балықтардың өлуіне әкеп соқты. Бұрын Билікөл аумағында 30 балық түрі болса, қазір бес-ақ түрі бар», – дейді профессор, ҚР минералды ресурстар академиясының академигі Медетхан Заппаров.  

Әсел Мұратбекқызы

Жаңалықтарға жазылу: