Жуалы ауданында "Бурное Солар" күн электр станциясы құрылысының 2-кезеңі аяқталды. Қуаты 50 МВт болатын "Бурное Солар-2" жобасы іске қосылды, деп хабарлайды Zakon.kz.
Жуалы ауданындағы "Бурное Солар" күн электр станциясы бүкіл Орталық Азиядағы ең үлкен нысан саналады. Алпауыт станция 224 гектар аумақты алып жатыр. Мұнда сағатына 100 мегаватт энергия өндіріледі, 70 000 үйге қажетті қуат өндіріледі. Жоба құны 26 миллиард теңге.
Күннен қуат өндіретін жобаның екінші кезеңі EXPO-2017 көрмесі аясында қолға алынған болатын. Жалпы жоба 15 жылда өз құнын ақтайды. Мәселен, бірінші кезеңі іске қосылғалы мұнда құны 6 миллиард теңге көлемінде ток өндірілген. Толық қуатқа шықса, өнім екі еселенбек.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
