Өңір әкімі Асқар Мырзахметов 11 округте құрылған пилоттық кооперативтерге 194 бірлік техниканы табыстады, деп хабарлады әкімнің баспасөз қызметі.
Аталған жобаның төртінші бағыты – ауыл шаруашылығы кооперативін қажетті ауыл шаруашылығы техникаларымен қамтамасыз ету болатын. Таратылған ақпаратқа сүйенсек, бұл бағытқа 1 070,9 миллион теңге қарастырылып, ол қаржыға кооперативтерге қажетті техникалардың 29 түрінен 194 дана техника алынған. Оның ішінде 33 трактор, 11 комбаин, 3 камаз көлігі және тағы басқа 149 дана агросалаға қажетті техника бар.
"Бұл ауыл шаруашылығы техникалары "Тараз" әлеуметтік кәсіпкерлік корпорациясы арқылы 5 пайызбен қосымша кепілсіз лизингке беріліп отыр. Алдағы уақытта осы техникалардың күшімен үй іргесіндегі 1 071,7 гектар және ауыл сыртындағы 77 362 гектар жерлер игерілетін болады",– делінген хабарламада.
