/img/tv1.svg
RU KZ
DOW J 21 078,72 Hang Seng 23 076,46
FTSE 100 5 429,34 РТС 987,75
KASE 2 212,62 Brent 24,87
Жамбыл облысында коронавирус жұқтырғандардың үшеуі де Қырғызстаннан келген

Жамбыл облысында коронавирус жұқтырғандардың үшеуі де Қырғызстаннан келген

Науқастардың жағдайы қалыпты.

27 Наурыз 2020 11:42 58

Жамбыл облысында коронавирус жұқтырғандардың үшеуі де Қырғызстаннан келген

27 наурыздағы жағдай бойынша Жамбыл облысында коронавирустық инфекцияға шалдыққандардың саны үш адамға жетті. Олар қауіпті дертті Қырғызстаннан жұқтырып келген, деп хабарлады Жамбыл облыстық Денсаулық сақтау басқармасының басшысы Марат Жұманқұлов.

«Қазіргі кезде облыста үш жағдай тіркелді. Олардың үшеуі де Қырғызстаннан келген. Алайда науқастардың бір-біріне қатысы жоқ, байланыста болмаған. Соңғы екі оқиғаға тоқталатын болсам бірі 46 жастағы адам. Ол көрші келден келген кезде шекара бекетінде алгоритм бойынша бір күнге оқшауланды. Кейін одан сынама алынып, диагнозы расталды. Келесі науқас – 24 жастағы азамат. Науқастармен байланыста болғандардың барлығы оқшауланды. Олардың жағдайы қалыпты, денсаулықтарына шағым жоқ», – деді басқарма басшысы.

Сонымен қатар қазіргі кезде облыста 4 блок-бекет орнатылып, жағдай бақылауға алынған. Бұдан бөлек 200 әскери базарлар мен халық көп жиналатын жерлерді залалсыздандыру жұмыстарына тартылды.

inbusiness.kz-ті қараңыз, оқыңыз :

Той-жиын өткізу толастар емес

Жамбыл облысы Талапты ауылының тұрғыны карантинге қарамастан құдалық өткізіп, қызын ұзатқан.

01 Сәуір 2020 15:37 38

Той-жиын өткізу толастар емес

Жамбыл облысында карантинге қарамастан құдалық өткізіп, қызын ұзатқан 42 жастағы Талапты ауылының тұрғын айыппұл арқалады, деп хабарлайды Polisia.kz.

ҚР Әкімшілік құқық бұзушылық туралы кодексінің 476-бабының 6-бөлігіне сәйкес тәртіп бұзушыға 10 айлық есептік көрсеткішпен айыппұл салынған.

Сондай-аө көкпар өткізген Нұрлыкент ауылының 37 жастағы тұрғыны да жазаланды.

«Көкпар тартыс 27 наурызда ауыл тұрғындары арасында өткізілген. Нұрлыкенттік азамат баласының 6 жасқа толған туған күнін осылай тойламақшы болыпты. Тәртіп сақтамаған тұрғын 7 тәулікке қамауға алынды»,– деп хабарлайды ІІМ ақпарат көзі.

Полиция қызметкерлері төтенше жағдай режимін бұзғаны үшін ескерту немесе он айлық есептік көрсеткіш мөлшерінде айыппұл салу немесе 15 тәулікке дейінгі мерзімге әкімшілік қамауға алу көзделгенін еске салады. Төтенше жағдай жарияланған жерде билік өкіліне бағынбағаны үшін ҚР Қылмыстық кодексінің 379-бабына сәйкес қылмыстық жаза қарастырылған.

БҚО-да коронавирус жұқтырған екі адам тіркелді

Қазақстандағы коронавирус бойынша 29 наурыз сағат 16:35 жағдай.

29 Наурыз 2020 17:24 75

БҚО-да коронавирус жұқтырған екі адам тіркелді

Коронавирус індетін жұқтырғандар саны 267-ге жетті. БҚО-да жаңадан екі жағдай тіркелді, деп хабарланды жедел штабтан.

«Осы сағатта Нұр-Сұлтан қаласы бойынша 162 адам, Алматы қаласында – 67 адам, Қарағанды облысында - 7, Ақмола облысында - 6 адам, Атырау облысы – 6 адам, Жамбыл облысында – 3 адам, Шымкент қаласында – 2 адам, Шығыс Қазақстан облысында – 2 адам, Алматы облысында – 4 адам, Ақтөбе облысында – 1 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, Қызылорда облысында – 2 адам, Батыс Қазақстан облысында – 2 адам, жалпы 267 науқас тіркелді»,– деп жазылған ресми хабарламада.

Жаңалықтарға жазылу: