Жамбыл облысында алдағы оқу жылына оқулықтар, қосымша оқу құралдарын сатып алуға 3,1 млрд теңге бөлінген, деп хабарлайды inbusiness.kz.
"2022-2023 оқу жылына оқулықтар, оқу-әдістемелік кешендерді және қосымша оқу құралдарын сатып алуға 3,1 млрд теңге бөлінді. Жаңа оқу жылында оқушылар 100% оқулықтармен қамтамасыз етіледі", - деп жазылған хабарламада.
Бүгінде оқулықтарды баспадан тасымалдау жұмыстары жүргізіліп жатыр. Ол 15 тамызға дейін аяқталады.
Сондай-ақ облыстағы барлық мектепте Ashyq бағдарламасы мен бейнебақылау камералары орнатылған әрі дәретхана ғимараттың ішінде орналасқан.
Мұғалімдердің 98,6% короновирусқа қарсы екпе алған.
Сонымен қатар өңірде 3 апатты, 6 үш ауысымды, 6 орын тапшылығы бар мектеп бар.
Биыл жаңа 10 білім ордасы пайдалануға беріледі деп жоспарланып отыр (8 мектеп жаңадан салынады, 2 мектеп жекеменшік болады).
