Жамбыл облысында тағы да дала өрті тіркелді. Бұл жолы Тұрар Рысқұлов ауданының аумағы өртеніп жатыр, деп хабарлайды 24.kz.
Құмарық ауылдық округінің таулы аймақтарында қураған шөп жанып, дес берер емес. Қызыл жалын бүгін түнгі сағат 01.00-де басталған. Тілсіз жаумен күрес әлі де жалғасып жатыр. Ол үшін 6 бірлік техника мен 60-қа жуық адам жұмылдырылды.
Оттың неден тұтанғаны белгісіз. Өрт аумағы анықталып жатыр.
"Таулы аймақ болғандықтан оған жету қиын. Сондықтан осы уақытқа дейін өрт жалғасып жатыр. Қазіргі таңда әзірге белгісіз. Өрт сөндірілуде. Өрт толық сөндірілгенннен кейін аумағы бәрі анықталады", - дейді облыстық ТЖД басқарма басшысы Азат Әбдіразақов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
