Жамбыл облысы Шу ауданында жүрек тұсынан пышақ жарақатын алып, өртелген полиция қызметкерінің мәйіті табылды. Қылмысты ашуға тиісті органдардың барлық күші жұмылдырылды, деп хабарлайды "Экспресс К".
Мәйіттің Жайсаң ауылының ( Шу қаласынан 15 шақырым) шетінде жатқанын полицияға белгісіз әйел телефон арқылы хабарлапты.
Оқиға орнына жеткен жедел-тергеу тобы мәйіттің өздерінің әріптесі Қордай ауданы полиция бөлімінің ұйымдастыру-талдау жұмыс тобының инспекторы Бағдат Мамилеев екенін анықтаған.
Табылған жекебас құжаттары мен қалта телефоны, сондай-ақ жол апатынан алған жарақатының орны марқұмның Бағдат Мамилеев екенін айғақтай түсті.
Сондай-ақ, мәйіттен 10 метрдей жерде жатқан пакеттегі заттардың ұрланбауы қылмыстың ұрлық үшін жасалмағанын көрсетеді.
Құрбан болған полиция қызметкерінің артында екі баласы қалды.
