Бұл туралы облыс әкімі Ербол Қарашөкеев Орталық коммуникациялар қызметі алаңында айтты.
"Былтырға қарағанда айтарлықтай өсім бар. Жалпы өңірлік өнім 1,3 трлн теңгеге тең. Экономика салалары бойынша атап айтқанда: құрылыс жұмыстары -11,1%-ға, сауда - 2,6%-ға, тұрғын үйді пайдалануға беру - 2,2%-ға, өнеркәсіп өндірісі - 0,6%-ға, көлік - 0,1%-ға артты. Өсімдік шаруашылығы өнімінің көлемі төмендеуіне байланысты жалпы ауыл шаруашылығы өнімінің көлемі 6,1%-ға төмендеді. 365 млрд теңгеге жуық инвестиция тартылып, өткен жылдың тиісті кезеңіне 12%-ға артты", – деді өңір басшысы.
Аймақта өңдеу секторының үлесі 71%, өнім көлемі - 494 млрд теңге. Тау-кен өндіру саласының көлемі 17,1%-ға ұлғайды.
Қаңтар-тамыз айларында өңдеу өнеркәсібі саласына 88 млрд теңге инвестиция тартылып, экспорт көлемі 121 млн АҚШ долларын құрады.
