Жамбыл облысында жарылыстан қаза тапқан өрт сөндірушілер марапатталды

Жамбыл облысында жарылыстан қаза тапқан өрт сөндірушілер марапатталды

18 Қыркүйек 2021 10:19 330

Жамбыл облысында жарылыстан қаза тапқан өрт сөндірушілер марапатталды
Жиынға қатысушылар жарылыстан көз жұмған өрт сөндірушілерді бір минут үнсіздікпен еске алды.

Президент Қасым-Жомарт Тоқаевтың Жарлығымен Байзақтағы жарылыстан қаза тапқан бірқатар құтқарушының туыстарына наградалар табысталды, деп хабарлайды inbusiness.kz.

Іс-шараға Төтенше жағдайлар министрі Юрий Ильин мен Жамбыл облысының әкімі Бердібек Сапарбаев қатысты.

Әскери және қызметтік борышын атқаруда көрсеткен ерлігі мен жанқиярлығы үшін облыстық ТЖД Өрт сөндіру және авариялық-құтқару жұмыстары қызметі №3 өрт сөндіру бөлімінің қарауыл басшысы Сергей Заикин І дәрежелі "Айбын" орденімен, №4 өрт сөндіру бөлімінің өрт сөндірушілері-құтқарушылары Әділет Әділбек пен Әліби Кеңес, №1 мамандандырылған өрт сөндіру бөлімінің өрт сөндірушісі-құтқарушысы Жәнібек Тұрманов, жүргізуші-қызметкер Ғафан Қуатбек ІІІ дәрежелі "Айбын" орденімен марапатталды. 

Наградалар марқұмдардың отбасы мүшелеріне берілді.

Юрий Ильин қайғылы оқиға салдарынан қаза тапқан өрт сөндірушілердің туған-туыстарына көңіл айтып, олардың балалары
Мәлік Ғабдуллин атындағы Азаматтық қорғау академиясына түсуге ниет білдірсе, көмек көрсетілетінін жеткізді.

Сондай-ақ Бердібек Сапарбаев ерлікпен көз жұмғандардың әрқайсысы марапатқа лайықты екенін атап өтіп, олардың отбасыларына тиісті көмек көрсетілетіліп жатқанын айтты.

"Әр отбасыға Үкімет тарапынан 10 миллион теңге, жергілікті бюджеттен 5 миллион теңге бөлінуде. Сондай-ақ зардап шеккен отбасылардың жұмыссыз мүшелерін жұмысқа орналастыру мәселесі қолға алынды. Екінші деңгейлі банктерге қарызы бар отбасылардың кредиттерін өтеу мәселесі толық шешілді", - деді Жамбыл облысының әкімі. 

Ұқсас материалдар:

zhyl-basynan-beri-345-zhuk-koligine-41-mln-tenge-ajyppul-salyngan

bilim-beru-sapasy-zhagynan-kazakstan-62-orynda

karzhylyk-monitoring-agenttigi-tagy-bir-karzhy-piramidasyn-anyktady

aksh-australiyadagy-askerilerinin-sanyn-kobejtedi

kazakstandagy-zhumysshylardyn-5-pajyzy-gana-biliktiligin-arttyrady

загрузка

×