Жаңа еркін экономикалық аймақ құру ұсынылды

1048

Республикалық тау-кен өндіруші және тау-кен металлургиялық кәсіпорындар қауымдастығының атқарушы директоры Николай Радостовец көмір кеніштерінің төңірегінде еркін экономикалық аумақ құруды ұсынды, деп хабарлайды inbusiness.kz тілшісі.

Жаңа еркін экономикалық аймақ құру ұсынылды

Оның айтуынша, Шұбаркөл көмірі бәсекеге өте қабілетті әрі одан фармацевтикалық және химиялық өнімнің 300-ге жуық түрі өндіріледі. 

"Көмірдің аз жағылуына байланысты өндіріс көлемі қысқарған жағдайда кеншілерге не істеу керегі айтылған жоқ. Сондықтан көмір кеніштерінің төңірегіне инвесторлар келуі үшін еркін экономикалық аймақ құруға мүмкіндік беріңіздер", – деді атқарушы директоры Нұр-Сұлтанда өтіп жатқан Astana Mining & Metallurgy 11-тау-кен металлургиялық конгресіндегі брифингте.

Николай Радостовецтің пікірінше, еркін экономикалық аймаққа жұмыс істеуге келген инвесторлар салықтан босатылуы керек, әрі оларға басқа да жеңілдіктер берілуі шарт.

"Олар 5-10 жыл бойы салықты мүлдем төлемесін. Инвесторлар біз сатып алып отырған көмірден химиялық және фармацевтикалық өнімдерді шығара бастайды. Осылайша, біз қосылған құны жоғары өнімдерді сататын боламыз", – деп түйіндеді сөзін басшы.

Дәурен Ерболат

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу