/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Жаңа оқу жылы қандай форматта басталады?

Жаңа оқу жылы қандай форматта басталады?

Ата-аналардың ойы қандай?  

13 Шілде 2020 23:12 211

Жаңа оқу жылы қандай форматта басталады?

Күні кеше ғана Президенттің сынына ұшыраған білім және ғылым министрі Асхат Аймағанбетов аяқ асты журналистермен брифинг өткізді, деп хабарлайды Atameken Business теларанасы.

Айтуынша, білім саласына қатысты сұрақтар көбейіп кетіпті мыс. Алайда, көпшілік пен тілшілерді алаңдатқан бір ғана сұрақ «жаңа оқу жылын оқушылар қалай оқитын болады?»

Елімізде балалар үйлері азая бастаған

Бұл іске үкіметтік емес ұйымдар белсенді түрде үлес қосқан. 

04 Маусым 2020 14:18 159

Елімізде балалар үйлері азая бастаған

Білім және ғылым министрі Асхат Аймағамбетов елде ата-анасыз қалған балаларға арналған мекемелер мен олардағы тәрбиеленушілер саны азайып келе жатқанын мәлім етті.

«Жоспарлы жұмыс нәтижесінде соңғы 10 жылда балалар үйлерінің тәрбиеленушілері саны 70%-ға, 14 мыңнан 4 мыңға дейін азайды. Ал соңғы 4 жылда осындай балалар саны саны 42%-ға азайды. Балалар үйлері жүйесінің саны үштен бірге азайды. Сонымен қатар, балалар үйлерін балаларға қолдау көрсету орталықтарына айналдырамыз. Бұл жұмысқа азаматтық қоғам да белсенді түрде атсалысты. Атқарып жатқан қызметі үшін оларға алғысымды білдіремін әрі болашақта да үкіметтік емес ұйымдармен жұмыс істеуді жалғастыра береміз», – деді Асхат Аймағамбетов.

Білім және ғылым министрінің халық алдында есеп беру кездесуіндегі есебінде елдегі балалар үйлері жүйесінің саны 140-тан 101-ге дейін, яғни 28%-ға кемігені көрнекті түрде көрсетілді.

Нұржан Көшкін

Мұғалімді жұмысқа алудың жаңа тәртібі бекітіледі

Мектептегі жемқорлықты жоюдың жаңа жүйесі жасалып жатыр. 

04 Маусым 2020 13:37 229

Мұғалімді жұмысқа алудың жаңа тәртібі бекітіледі

Мұғалім немесе мектеп директоры болып орналасу үшін пара сұрау мәселесі кездесетіні қоғамда айтылып жатады. Білім және ғылым министрі Асхат Аймағамбетов халық алдында есеп беру кездесуінде осы мәселеге ерекше тоқталды.

«Бұл жүйелі проблемалардың бірі. Жасыруға болмайды, мұндай проблема бар. Дегенмен статистикаға қарасақ, қазіргі уақытта бұл мәселе азайып келе жатыр. Мектеп басшылығын жұмысқа алу үшін жаңа жүйе қалыптастырып жатырмыз. Сондықтан, жаңа жүйе бойынша қамқоршылық кеңесі, облыстық басқарма және басқа да құзырлы органдар қатысатын ашық жүйе дайындадық. Менің ойымша, бұл мәселе осылайша шешіледі», – деді БҒМ басшысы.

Министрдің айтуынша, бүгінгі күні заң жүзінде мектеп мұғалімін жұмысқа алудың нақты нормалары бекітілмеген.

«Бүгінгі күнгі мұғалімдерді жұмысқа алу рәсімі ашық емес. Мұғалімнің қызметке орналасуының нормалары, әдістемелері жоқ. Сондықтан мұғалімдерді конкурс бойынша алу және жалпы мұғалімді жұмысқа алу тәртібін бекіту жөніндегі жұмысты бастадық. Ол үшін «Білім туралы» заңға өзгеріс енгізу қажет болады. Бұл өте маңызды мәселе. Заңбұзушылықты болдырмау біздің парызымыз», – деді Асхат Аймағамбетов.

Нұржан Көшкін