Министрлік жаңа министр Сырым Шәріпхановтың құрметіне ақша жиналды деген ақпаратты жоққа шығарды, деп жазады inbusiness.kz.
Желіде Түркістан облысының құтқарушыларынан жаңа ТЖ министрі Сырым Шәріпхановқа арналып ақша жиналғаны жайлы хабар тарады. Бұл туралы журналист Ботагөз Омарова өз Telegram-арнасында мәлімдеді.
"Бұл туралы ТЖМ майоры Зуялхан Хасанов айтты. Офицерлік құрамнан 50 мың теңгеден және қатардағы құрамнан 20 мың теңгеден жинады", — делінген хабарламада.
ТЖМ баспасөз қызметі бұл ақпараттың шындыққа жанаспайтынын және бұқаралық ақпарат құралдарын пайдалану арқылы арандатушылыққа жол берілгені жайлы хабарлады.
"Бұған дейін Гасанов Зуялхан (2022 жылы) жала жапқаны үшін жауапқа тартылып, азаматтық-құқықтық жауапкершілікке тартылған болатын. Қазір бұл азамат азаматтық қорғау органдарының қызметкері емес, өйткені осы жылдың мамыр айында теріс әрекеті үшін жұмыстан шығарылды. Ол бірнеше рет осындай мәлімдемелермен ТЖМ-ге жүгінді, бірақ тексеру нәтижелері бойынша ол көрсеткен дәлелдер өз растауын таппады", — делінген ҚР ТЖМ баспасөз қызметі хабарламасында.
Осыған қарамастан, өтініште айтылған әрбір факт бойынша сыбайлас жемқорлыққа қарсы іс-қимыл агенттігімен бірлесіп қызметтік тергеу жүргізілетін болады.
