Ел парламенті көмірқышқыл газын ауаға бөлуді тоқтату туралы заң жобасын мақұлдады. Құжатта жарияланғандай, Жаңа Зеландияның мақсаты - Париж келісімі шеңберінде орташа температураның 1,5 градусқа дейін көтерілуін тежеуге үлес қосып, климаттың өзгеруіне қатысты саясатты сауатты түрде жүзеге асыру.
Жаңа Зеландияның премьер-министрі Джасинда Арден парламентте сөйлеген сөзінде бұл шешімді мақтан тұтатынын жеткізді.
"Келесі ұрпақ Жаңа Зеландияда климаттың өзгеруіне қарсы күрес жүргізілгенін көреді деп үміттенемін", - деді Арден.
Айта кететін жайт, климат бойынша Париж келісімі 2015 жылы 12 желтоқсанда Парижде қабылданып, 2016 жылдың 4 қарашасында күшіне енді. Ол климаттың өзгеруіне әлем елдерінің назарын аударуға бағытталған. Бастапқыда құжатқа 175 ел қол қойған. Қазіргі таңда келісімге 197 мемлекет мүше, оның 185-ы құжатты ратификациялаған. 2017 жылы тамыз айында АҚШ Париж келісімінен шығуға ниетті екенін жариялаған болатын.
Табиғат Нұрболат
