27 қарашада Жаңа Зеландияда елдің жаңа премьер-министрі Кристофер Луксон ант берді. Бұл туралы inbusiness.kz сайты The New Zealand Herald басылымына сілтеме жасап хабарлайды.
Консервативтік Ұлттық партияның 53 жастағы жетекшісі ант беру рәсімінде "үлкен жауапкершілікті" түсінетінін айтып, өз жұмысында "ең жоғары стандарттарды" сақтауға уәде берді.
Өткен аптада Луксон екі кішігірім партиямен коалициялық үкімет құруға келісті. Келісім аясында “премьер-министрдің орынбасары” лауазымы осы партиялардың жетекшілері арасында бөлінген. Алғашқы алты айда оны популистік Жаңа Зеландия бірінші партиясының 78 жастағы жетекшісі, содан кейін оңшыл ACT партиясының жетекшісі Дэвид Сеймур басқарады.
Еске сала кетейік, Жаңа Зеландияда қазан айының ортасында парламенттік сайлау өтті. Олардың нәтижелері бойынша, Луксонның партиясы 38% дауыс жинады. Бұл көрсеткіш басқа партиялармен салыстырғанда әлдеқайда көп.
