Нұр-Сұлтан қаласы прокурорының орынбасары Елдос Қилымжанов осындай мәлімдеме жасады, деп хабарлайды inbusiness.kz.
"Қылмыстық іс жүргізудің 3 деңгейлі жүйесі прокурордың қылмыстық істі тергеп-тексерудегі жауапкершілігін күшейті және оның шешімі қылмыстық процестегі негізгі шешімнің бірі болатынын көрсетті. Бұдан былай күдікті деп тану, күдіктінің іс-әрекетін саралауды белгілеу, қылмыстық құқық бұзушылықты талдау, сотқа дейінгі тергеп-тексеру мерзімін үзу, тоқтату туралы шешімдер, сондай-ақ қылмыстық теріс қылық туралы хаттама прокурордың келісімінсіз мақұлданбайды", – деді Елдос Қилымжанов.
Оның айтуынша, прокурорлардың келісімімен қабылданған шешімдер ел азаматтарының қылмыстық ісін қарау кезіндегі құқық бұзушылықты 4 есе төмендетті.
"Қылмыстық іс жүргізудің 3 деңгейлі жүйесі тергеудің барлық кезеңін бақылауға, шағымдарды бюрократиясыз қарауға мүмкіндік берді", – деді прокурордың орынбасары.
Қанат Махамбет
