Жаңа жыл мерекесінде Қазақстанда пиротехникалық заттарды пайдалану салдарынан 63 адам зардап шекті, оның ішінде 20-сы бала, деп хабарлайды inbusiness.kz сайты.
4 қаңтарда Денсаулық сақтау министрлігінің ақпараты бойынша, зардап шеккендердің 12-сі, оның ішінде 5 бала ауруханаға жатқызылды. Ал 51 науқас, оның ішінде 15 бала амбулаторлық ем алып жатыр.
Алматыда – 19 адам, Жамбыл облысында – 11 адам, Қарағанды, Маңғыстау және Қостанай облыстарында, сондай-ақ Шымкентте 6 адам жарақат алған. Ақтөбе облысында 2 адам, Ақмола, Қызылорда, Атырау, Шығыс Қазақстан, Батыс Қазақстан, Алматы және Абай облыстарында бір адамнан зардап шеккен.
Зардап шеккендердің барлығына көз жарақаты, қасаң қабықтың күюі, күйік және қолдың жарақаты диагнозы қойылды. Науқастардың бірі іштің алдыңғы қабырғасының жарақатын алған, жағдайы орташа ауыр.
