Елордада автодрифт өтті. Сайысқа Ақтөбе, Ақмола, Павлодар, Қарағанды облыстары мен Астана қаласынан ұзын саны 25 жігіт қатысты, деп хабарлайды 24.kz.
Мұз үстінде көлікпен ойнақтаған жүргізушілер таңнан кешке дейін өзара мықтыны анықтап бақты. Күннің суығына қарамай, қызық көруге келгендердің қарасы көп. Әдемі дрифт жасай білген азаматтар республикалық чемпионатқа жолдама алады. Бәсеке қаңтар айында Қарағанды қаласында өтпек. Бір сөзбен айтқанда, бұл жарыс чемпионатқа дайындық.
"Жаңа жылдан бастап 4 кезеңнен тұратын қысқы дрифт басталады. Оның алғашқысы Қарағандыда, одан соң ақпан айындағы екінші кезеңі Астанада, үшіншісі тағы да Қарағандыда, ал наурызда қорытынды төртінші кезең елордада өтпек. Сол кезде жеңімпаздар анықталады", - дейді сайысты ұйымдастырушы Руслан Смағұлов.
